Дэлхийн хэвлэлийн эрх чөлөөний өдрийг тохиолдуулан "Энх тайван ирээдүйг цогцлоох нь" уриан дор Хэвлэл мэдээллийн зөвлөл (ХМЗ) болон Сэтгүүл зүйн инновац, хөгжлийн үүр төв Nest Center for Journalism Innovation & Development, Mongolia хамтран МУИС, МУБИС, Отгонтэнгэр, СУИС-ийн КТМУС-ийн баримт шалгагч оюутан клубуудтай “Сэтгүүл зүйн ёс зүй ба өөрийн зохицуулалт” сэдвийн хүрээнд хэлэлцүүлэг өрнүүллээ.

Сүүлийн жилүүдэд эмэгтэй улстөрчдийн дуу хоолой нэмэгдэж байгаа ч тэднийг дагаад цахим дайралт, жендэрт суурилсан доромжлол улам ил болж байна. Энэ талаар Хэвлэл мэдээллийн зөвлөлөөс санаачлан, Их Британийн Элчин сайдын яамны дэмжлэгтэйгээр хэрэгжүүлсэн “Эмэгтэй улс төрчдийн дуу хоолой” судалгаанаас онцлон гүйцэтгэх захирал Г.Гүнжидмаа gogo.mn сайтад ярилцлага өглөө. 

Хэвлэл мэдээллийн зөвлөлөөс санаачлан, Их Британийн Элчин сайдын яамны дэмжлэгтэйгээр хэрэгжүүлсэн “Эмэгтэй улс төрчдийн дуу хоолой” судалгааны үр дүнг танилцуулах уулзалтыг амжилттай зохион байгууллаа. Энэхүү уулзалтыг Социал Демократ Монголын Эмэгтэйчүүдийн Холбооны хүсэлтээр зохион байгуулж, гишүүдэд судалгааны тайланг танилцууллаа.

Хэвлэл мэдээллийн зөвлөлөөс “Эмэгтэй улстөрчдийн дуу хоолой” хэвлэл мэдээлэл, цахим орчны нөлөөг тодорхойлох судалгааны тайланг бэлтгэж олон нийтэд танилцуулж байна. Судалгааны үр дүнг хэвлэл мэдээллийн байгууллагуудын төлөөлөлд танилцуулах уулзалтыг 3 дугаар сарын 25-нд Их Британын Элчин сайдын яамтай хамтран зохион байгуулав. Уулзалтад Их Британиас Монгол Улсад суугаа Элчин сайд  Фиона Блайт болон Их Британийн Гадаад Хэрэг, Хамтын Нөхөрлөл, Хөгжлийн Яамны Энэтхэг-Номхон Далайн бүс нутгийн асуудал эрхэлсэн сайд Сийма Малхотра нар оролцож, судалгааны үр дүн, ач холбогдлын талаар санал солилцлоо.  

Хэвлэл мэдээллийн зөвлөлөөс санаачлан эмэгтэй улстөрчдийн дуу хоолой болон тэдний оролцоонд хэвлэл мэдээлэл, цахим орчны үзүүлж буй нөлөөг тодорхойлсон судалгааны үр дүнг хэлэлцсэн уулзалт болж өнгөрлөө. Энэ удаагийн уулзалт нь зөвхөн судалгааны тайлан танилцуулах хүрээнд хязгаарлагдсангүй, харин эмэгтэйчүүдийн улс төр дэх оролцоо, хэвлэл мэдээллийн орчин дахь төлөөлөл, нийгмийн хандлагын огтлолцлыг олон талаас нь авч үзсэн, илүү өргөн хүрээтэй хэлэлцүүлэг болон өрнөсөнөөрөө онцлог байв.

Хэвлэл Мэдээллийн Зөвлөлөөс Ханнс-Зайделийн сантай хамтран “Монгол Улсад насанд хүрээгүй хүний гэмт хэрэг, гэр бүл, хүүхдийн дагнасан шүүх болон хэвлэл мэдээллийн ёс зүйтэй оролцоо” сэдэвт дугуй ширээний хэлэлцүүлгийг дөрөвдүгээр сарын нэгэнд зохион байгууллаа. Хүүхдийн эрх, хэвлэлийн эрх чөлөө, шүүхийн ил тод байдал гурав хоорондоо хэрхэн огтлолцдог вэ гэсэн асуултад хэлэлцүүлгийн гол агуулга чиглэж байв.